O CITIC achega a súa experiencia ao segundo Encontro Makers pola Discapacidade Física e Orgánica
xoves, 21 de abril do 2022
Este
venres 22 de abril celébrase e horario de mañá (de 9.30 a 13.00h)
a segunda edición do Encontro Maker pola Discapacidade Física
Orgánica. Desenvolverase
en formato en liña a través de Youtube, mostrando achados
concretos sobre unha cuestión de gran potencial futuro: as
capacidades das tecnoloxías abertas, participativas e colaborativas
para mellorar a calidade de vida das persoas con características
funcionais diversas. O evento está organizado pola Confederación de
Persoas con Discapacidade Física e Orgánica de Castela e León, e
conta coa colaboración da Universidade de Burgos e do
CITIC da Universidade da Coruña.
A
investigadora Thais Pousada participará na mesa de apertura, en
representación do CITIC, e impartirá un obradoiro sobre deseño de
produtos de apoio en 3D ás 12:00 horas.
O
CITIC explica que o encontro está exposto como “un espazo de
aprendizaxe compartida”, sinerxías e colaboración entre
terapeutas ocupacionais, enxeñeiros/ as, makers particulares,
asociacións makers sen ánimo de lucro e organizacións de
persoas con discapacidade física e orgánica.
Os/
as asistentes poderán coñecer diferentes alternativas para a
elaboración de produtos e tecnoloxías de apoio de baixo custo, en
concreto, para as actividades sexuais. Tamén haberá mesas redondas
sobre Fablabs e abordaxes de retos argalleiros. Quen queira
inscribirse pode facelo a
través da ligazón específica habilitada. O programa
tamén foi habilitado en liña para a súa consulta.