O CITIC achega novos obradoiros sobre Ciencia de Datos no IES Miraflores de Oleiros
xoves, 2 de febreiro do 2023
O
pasado martes, 31 de xaneiro, tivo lugar no IES Miraflores de Oleiros
outra sesión sobre Ciencia Datos dirixida a alumnado de 1º de
Bacharelato do centro que participan no programa STEMbach da Xunta de
Galicia.
Esta sesión estivo precedida por un primeiro taller
celebrado o pasado 24 de xaneiro sobre a mesma temática a cargo das
investigadoras Ana López-Cheda e Rebeca Peláez.
Desta
volta, impartiron
a sesión os investigadores do CITIC (Centro de Investigación TIC da
UDC) Ricardo Cao e Inés Barbeito que centraron o seu taller na
clasificación supervisada, mostrando algúns exemplos da súa
aplicación en especies vexetais.
Tamén comentaron os principais
aspectos do proxecto COVIDBENS, entre eles o da estimación das
proporcións de variantes de SARS-CoV-2, facendo unha pequena
simulación na aula.
Por último, os
investigadores orientaron ao alumnado sobre a oferta académica da
Facultade de Informática da UDC, especialmente sobre o Grao de
Ciencia e EnxeñerÃa de Datos.
