O CITIC adestrará á nosa mocidade investigadora en formación transversal
martes, 9 de outubro do 2018
O
Centro de Investigación en TecnoloxÃas da Información e das
Comunicacións (CITIC), a través do Centro Universitario de
Formación e Innovación Educativa (CUFIE), vén
de presentar a primeira edición dun curso en habilidades
transversais clave dirixido a fortalecer os recursos humanos en
materia de Investigación, Desenvolvemento e Innovación (I+D+i).
Segundo fai saber o centro da UDC, o reforzo do noso adestramento
innovador é un obxectivo fundamental para a Unión Europea, e son
varias as iniciativas da Comisión para sacarlle o máximo proveito a
unha carreira investigadora, como por exemplo The EU principles
for innovative doctoral training ou The Human Resources
Strategy for Researchers (HRS4R), selo co que contan as tres
universidades galegas.
O
curso do TIC en habilidades transversais chave, que é común a todas
as disciplinas, encamÃñase ao fomento da ciencia aberta, a
innovación e o espÃrito empresarial entre os novos investigadores
(predoutorais e posdoutorais), coa finalidade de incrementar a súa
empregabilidade en calquera ámbito e ser complementario aos
coñecementos cientÃficos e tecnolóxicos que adquirirán a través
da investigación.
En
concreto, dirÃxese a mozas e mozas investigadores dos centros
singulares de investigación e agrupacións estratéxicas
consolidadas de Galicia (CITIC, CIQUS, CIMUS, ECIMAT, CINBIO, CiTIUS
e AtlantTIC), e dos centro de investigación da Universidade da
Coruña (CICA, CIT e CITEEC).
O
curso terá unha parte en liña (8 horas), a través da plataforma Moodle da UDC e unha parte presencial (4 horas) no CITIC. O número de prazas é de 50, garantÃndose un mÃnimo de 30 vacantes para a UDC. A admisión farase por estrita orde de inscrición do 10 ao 17 de outubro na
páxina web do CUFIE; o persoal do CITIC encargarase de supervisar o
reparto das prazas.
O
curso artéllase nunha serie de seccións: módulo primeiro
(protección de resultados de investigación, cunha parte en liña
impartida por MarÃa Isabel Docampo da OTRI da UDC, e outra
presencial achegada por Rosario EcheverrÃa de Clarke&Modet),
módulo segundo (difusión e visibilidade dos resultados de
investigación, cunha parte en liña impartida por Carlota Balsa,
Marta Lago, Mercedes Corrales, Marcos Yáñez e Isaac Darriba do
Servizo de Biblioteca Universitaria da UDC, e unha presencial por
Isabel Iribarren da Universidade de Navarra) e módulo terceiro (a
carreira investigadora en Galicia, que inclúe unha vertente online
desenvolvida por Faustino Infante Roura da SecretarÃa Xeral de
Universidades da Xunta de Galicia e unha parte presencial que correrá
a cargo de MarÃa Giménez López, ERC Starting Grant da Universidade
de Santiago de Compostela USC).