O Campus da Coruña de UIE acollerá unha clase maxistral sobre metaverso e intelixencia artificial
mércores, 26 de outubro do 2022
Será mañá, xoves 27 de novembro ás 18:30h, cando teña lugar no
Campus
da Coruña (Ronda de Nelle, 33) a clase maxistral: O
metaverso e a intelixencia artificial a debate,
un encontro da Universidad Intercontinental de la Empresa (UIE)
que tratará sobre a transformación dixital e as novas tecnoloxías.
Estarán presentes Diego Asorey, co-fundador e COO de Kendra
Realidades Alternativas, e Óscar González, director de Tecnoloxías
da Información do Instituto Tecnolóxico de Galicia, que darán a
súa visión como expertos en adaptación de empresas e organizacións
á realidade 4.0, que supón avanzar no cambio “ao dixital”.
Pola súa banda Diego Asorey, quen participa actualmente no
desenvolvemento dun metaverso con distintas universidades europeas,
falará sobre metaverso: que é, que non é e como aproveitalo.
En canto a, Óscar González, explicará a Intelixencia
Artificial: clave dos procesos de transformación dixital. Aspectos
prácticos.
A UIE
é unha universidade privada con vontade de proxecto estratéxico de
responsabilidade social corporativa e institucional de ABANCA e
Afundación, financiada cos seus propios recursos e con bolsas de ata
o 15 % dos seus ingresos anuais, dando prioridade a persoas con
talento que teñan un baixo nivel de renda.
As persoas interesadas en asistir á
clase maxistral do metaverso e a intelixencia artificial a debate
poden inscribirse en liña.