O Centro de Ciberseguridade Tegra celebra o seu aniversario facendo balance de éxitos
martes, 20 de setembro do 2022
Este
martes 20 de setembro, baixo o epígrafe Innovación e
ciberseguridade para unha Galicia máis resiliente, celebrouse o
aniversario do Centro de Innovación e Ciberseguridade Tegra, centro
promovido ao abeiro da Unidade Mixta de Investigación (UMI) IRMAS e
a través da colaboración do Centro Tecnolóxico Gradiant e
Telefónica co apoio da Xunta de Galicia (a través da Axencia Galega
de Innovación).
Na
cita, celebrada por vídeo-conferencia, participaron algúns dos
principais responsábeis destas entidades, por exemplo a directora da
Axencia Galega de Innovación (GAIN), Patricia Argerey, quen
cualificou a UMI IRMAS “de éxito de colaboración
público-privada”, logo de cinco anos de traballo, máis de 5
millóns de investimento na Comunidade a contratación de corenta
profesionais altamente cualificados.
A
UMI é unha das 55 Unidades Mixtas de Investigación desenvolvidas en
Galicia, coa participación de 39 empresas, na súa maioría grandes
compañías, e 14 centros de coñecemento, e un investimento
mobilizado de case 155 millóns de euros.
Argerey
que puxo en valor o modelo que promove o programa de Unidades Mixtas
de Investigación impulsado pola axencia, lembrou “o esforzo que se
está a facer por apoiar o ecosistema galego de I+D+i”.
Lembrar
que IRMAS (acrónimo de Information
Rights Management Advanced Systems) é un alianza de Gradiant e
a operadora Telefónica, encadrada no ámbito da ciberseguridade
avanzada e co obxectivo de dar forma a solucións innovadoras para a
protección de datos, tecnoloxías, servidores, comunicacións e
demais.
Ao abeiro deste proxecto impulsouse precisamente Tegra,
o Centro de Ciberseguridade de Galicia.
As unidades IRMAS e
IRMAS 2 están centradas en desenvolver solucións para que as
empresas poidan mellorar os seus procesos de manexo de datos con
todas as garantías de seguridade.