O Concello de Poio habilita unha web para dar o despegue definitivo á participación cidadá e asociativa
xoves, 4 de agosto do 2022
Participación
Veciñal do Concello de Poio presentou estes días unha nova web,
participaenpoio.gal para
facilitar a comunicación dixital e o diálogo entre a cidadanía, as
entidades sociais e a Administración local. Abéirase
ao proxecto Contorna Cidadá, impulsado pola dita área municipal que
dirixe Silvia Díaz (Avante Poio) con vistas a canalizar a
implicación social no municipio de Poio.
A
web que se abriu ao público esta semana é o espazo dixital onde se
recollen todos os ámbitos do proxecto Contorna Cidadá:. Trátase
pois dunha plataforma que unifica nun só lugar as canles de
participación, e que aspectos tan destacados como un escaparate do
tecido asociativo do concello. “Por primeira vez”, explicou a
edil, “Poio conta cun espazo municipal onde promocionar e dar a
coñecer o labor e a programación de actividades que fan as
entidades de Poio, e ademais poñemos á disposición dos propios
colectivos e tamén da veciñanza unha ferramenta para interactuar
entre eles e coa administración, que facilita e dinamiza a
participación”.
O
sitio conta coas seguintes seccións: Actualidade, Social,
Eapazos, Colectivos, Kit Informativo e A Túa Voz Conta.
A
páxina, segundo informou a concelleira, é o resultado do traballo
colectivo que se iniciou hai un ano, e foi posíbell grazas ás
asociacións de Poio, ás “que queremos agradecerlle o esforzo e o
tempo dedicado, sumándose a este proxecto coa vontade de actualizar
e de darlle un novo impulso ao tecido asociativo municipal”,
sinalou, engadindo que a páxina constitúe o “primeiro paso
visíbel deste traballo conxunto”, porque a incorporación de
contidos “é un proceso continuo, e o rexistro municipal de
asociacións está en constante renovación, con cambios e novas
incorporacións, e por iso está prevista xa a celebración das III
Xornadas en Común que serán á volta do verán, con novas
actividades e iniciativas.ociativo do noso concello”.