O Concello de Sada achega pílulas de capacitación dixital para adultos

O Concello de Sada vai comezar o ano achegando pílulas de capacitación dixital de 7,5 horas de duración para adultos de idades comprendidas entre os 18 e os 65 anos. O obxectivo é mellorar as competencias dixitais da veciñanza, e apoderala no uso cotián da tecnoloxía.
Desenvolverase en modalidade presencial. As actividades desenvolveranse na Aula CeMIT en horario de tarde, de 18.00 a 20.00 horas. Haberá 15 prazas dispoñibles.
Os contidos inclúen (entre outros temas) competencias dixitais avanzadas, ciberseguridade práctica, benestar dixital (hábitos conscientes para unha mente produtiva e sa), como xestionar os dispositivos dixitais de xeito doado, empregabilidade Dixital, comunicación e seguridade, banca en liña, Administración Electrónica, seguridade e benestar dixital para menores, IA xenérica e intelixencia artificial para a procura de emprego.
Máis información nos teléfonos 606 059 747 e 620 765 150.