O Concello de Vigo neutraliza un ciberataque á web municipal

Os servizos informáticos do Concello de Vigo foron quen de repeler hoxe un intento de paralización da xestión municipal, deixando restablecido o servizo a primeira hora desta mañá.
O alcalde Abel Caballero deu conta do ciberataque de negación de servizos sufrido pola páxina web do Concello ás 6:00 horas, coa intención de paralización da xestión municipal.
Tal e como explicou, os responsables son un grupo de ciberdelincuentes prorrusos chamados “Noname” que trataron de imposibilitar o acceso da cidadanía á tramitación online e así, degradar os servizos municipais. “Ás 8.00 detectamos o ataque e ás 8.30 quedou restablecido o servizo con normalidade”, apuntou, engadindo que nestes momentos continúan os ciberataques, pero “o noso sistema é capaz de repelelos. “Temos capacidade de rexeitalos sen que consigan o seu obxectivo”.