O Coworking IGAPE-EOI-Tecnópole comeza a súa andaina en febreiro
xoves, 13 de xaneiro do 2022
O
Parque Tecnolóxico de Galicia (Tecnópole) compartiu máis detalles
sobre o seu novo espazo de emprendemento innovador, o Coworking
IGAPE-EOI-Tecnópole do que avanzamos
información os días pasados dende Código Cero, unha iniciativa
impulsada polas tres entidades que lle dan nome e co-financiada polo
Fondo Social Europeo, que se integra nunha rede da Escola de
Organización Industrial que en Galicia está constituída por 11
espazos de traballo colaborativo. Segundo informou a Tecnópole,
entre febreiro a xuño dará acubillo a emprendedores cun proxecto
empresarial en fase temperá ou cunha empresa acabada de crear. Será
un servizo cen por cen de balde.
Tal
como explica o director do Parque Tecnolóxico de Galicia, Javier
Taibo, “durante este período realizaranse unha serie de
actividades, como obradoiros nos que se axudará aos emprendedores a
validar o seu modelo de negocio, así como a desenvolver as
habilidades imprescindíbeis para poñelo en marcha. Tamén se
levarán a cabo xornadas de formación grupal de todos os
participantes, que contribuirán a impulsar os seus proxectos,
abordando aspectos como as finanzas, habilidades de comunicación,
xestión do talento emprendedor…, entre outras”.
As
persoas emprendedoras participarán así mesmo en sesións de
mentoring dirixidas por expertos, que as acompañarán desde o
deseño do modelo de negocio á posta en marcha e optimización de
cada proxecto, “dando resposta ás necesidades que xurdan no
camiño”, sinalou Taibo, engadindo que o remate da edición virá
marcado polo Demo Day, durante o cal presentaranse todos os
proxectos, a súa evolución e as posibilidades de colaboración cos
mesmos.
Taibo
anima aos emprendedores a sumarse a este coworking:
“En cinco meses terán pasado dunha idea a unha realidade de
negocio, sen ningún custe e con moita axuda por parte de
profesionais especializados, formación e un espazo onde poder
traballar con todas as comodidades e servizos, mantendo relación con
outros emprendedores, unha oportunidade moi proveitosa que sen dúbida
os axudará a despegar”.
As
empresas interesadas xa poden solicitar a súa praza no coworking
a través da páxina web da EOI.