O Galician Freaky Festival convídanos a subir nas redes as curtas máis arrepiantes de menos de 30 segundos
xoves, 22 de xullo do 2021
Esta
semana abriuse a convocatoria para o
certame Curta ou susto, o segundo concurso de
microcurtametraxes de terror que se organiza ao abeiro do Galician
Freaky Festival. Trátase dunha iniciativa aberta a todos os
novos directores e que cuxo reclamo-desafío non pode ser máis
directo e explicativo: “Es
quen de provocar un arrepío no público en menos de 30 segundos?”
O
prazo de participación estará aberto até o 31 de agosto.
Organizado polos responsábeis do festival FGG, ten a súa base
principal de acción nas redes sociais, a través do cancelo
#CurtaOuSusto2021.
Segundo
se fai saber nas bases, para participar teremos que publicar o noso
vídeo gravado na casa cos nosos dispositivos (un audiovisual de non
máis de 30 segundos) no Facebook,
no Instagram ou
no Twitter, amais de
engadirlle a etiqueta correspondente. Nestas redes poderase facer
seguimento de cada contribución. A convocatoria vai dirixida a
profesionais como a creadoras e creadores amateur
<con
obras de baixo orzamento “pero con ganas de achegar a súa
particular mirada” ao cinema de terror e outros xéneros
relacionados.