O Goberno galego equipará con sistemas de vídeo-conferencias todos os xulgados da nosa terra
venres, 8 de maio do 2020
Coincidindo
cunha tendencia xeral a incrementar as ferramentas que permiten o
teletraballo en todos os ámbitos, tendencia incrementada coa crise
sanitaria, o Goberno galego anunciou que vai equipar con sistemas de
vídeo-conferencia toda a rede de xulgados da nosa terra. A
nova foi achegada este venres 8 de maio polo vicepresidente da Xunta,
Alfonso Rueda, acompañado polo director xeral de Xustiza, Juan José
Martín, durante o transcurso dunha vídeo-conferencia co
ministro de Xustiza, Juan Carlos Campo e representantes de Xustiza
das Comunidades Autónomas.
O
Goberno galego está elaborando un protocolo para a celebración
telemática das vistas que será validado por un grupo de traballo
constituído por xuíces dependentes a vindeira semana. Así, xa
foron identificadas do total das 160 salas de vista existentes as que
xa están preparadas para a celebración dixital de las vistas. Xa
estarían en disposición 80 delas para que poidan levar a cabo as
vistas telemáticas una vez pechado o protocolo de actuación. Para
as restantes porase en marcha una contratación por vía de urxencia
para completar aa dotación tecnolóxica.
Rueda
indicou que está programado reactivar a implantación da sinatura
electrónica nos 60 órganos nos que estaba pendente de completarse o
proceso, “sempre a través de procesos de formación telemática de
los profesionais e coa coordinación da sala de goberno do TSXG”,
informou, engadindo que durante este mes de maio, instalaranse salas
dixitais na sala de xurado de Vigo e na de Pontevedra.
Tamén
lembrou que a día de hoxe 286 funcionarios de Xustiza teñen acceso
ao escrito remoto e ao teletraballo, o que supón, “sumando a
totalidade dos xuíces, fiscais e letrados da Administración de
Xustiza”, que 780 profesionais da Administración de xustiza en
Galicia estean desenvolvendo o seu labor a distancia, o 30% de todos
os traballadores xudiciais.