O IGAPE e CRUSOE estudan a posta en marcha dunha aceleradora de startups de patrimonio cultural dixital

A directora do Instituto Galego de Promoción Económica (IGAPE), Covadonga Toca, mantivo recentemente un encontro con representantes da Conferencia de Reitores das Universidades do Suroeste Europeo (CRUSOE) e dos Clústers TIC e Audiovisual no que avaliaron, entre outros aspectos, os proxectos que están a desenvolver no eido do emprendemento e a innovación.
Neste marco, durante a xuntanza Toca Carús puxo en valor a importancia da aposta polo talento como motor da economía do coñecemento, da economía verde e dixital.
Durante a reunión, os responsábeis de CRUSOE trasladaron á directora do IGAPE as iniciativas que se están levando a cabo desde a Conferencia en materia de patrimonio cultural dixital e a posibilidade dunha aceleradora de startups neste eido de actividade innovadora.