O IGAPE e ENISA sentan as bases dunha meirande colaboración para crear e impulsar startups
venres, 27 de xaneiro do 2023
O
director do IGAPE, Fernando Guldrís, o director de XesGalicia, Rubén
Aguión, e a subdirectora de Investimentos e Startups do IGAPE, Fany
Suárez, mantiveron
este venres 27 de xaneiro un encontro con Jordi García, director de
Fomento do Ecosistema Emprendedor de ENISA (Empresa Nacional de
Innovación, S.A.), e Juan Manuel Garrido, director de Operacións,
no que afondaron “na importancia de impulsar un ecosistema que
mesture talento e innovación para mellorar a competitividade do
tecido empresarial”.
Segundo
informou o IGAPE (Instituto Galego de Promoción Económica), a
xuntanza permitiu poñer en valor “a cooperación entre
administracións” na procura de configurar o mellor ecosistema
posíbel sobre a base da innovación, a dixitalización e a
sustentabilidade, atraendo talento e capital internacional.
Neste
contexto, o director do IGAPE sinalou que “impulsar o talento e a
innovación é impulsar a mellor versión de Galicia”, defendendo a
importancia de “tomar a creatividade e o talento como punto de
partida, e a tecnoloxía como ferramenta clave”.
Sobre
estes eixos, expuxo, susténtase, dixo, a Axenda Startups de Galicia,
coa que o Goberno galego aspira a “crear un centenar de novas
empresas e acelerar 200 startups durante este ano e o que
vén”, promovendo desde xeito “un ecosistema innovador con
capacidade para mellorar a competitividade do tecido produtivo”.
Búscase, en termos impulsar e dar continuidade a proxectos de
business factories, foodtech, biotech, healthtech, edtech,
climatetech, loxística ou as cadeas de subministracións.