O IGAPE salienta a participación galega no CES de Las Vegas
luns, 14 de xaneiro do 2019
O director do IGAPE, Juan
Cividanes, resaltou a relevancia da participación e dos encontros profesionais
mantidos polas startups galegas, impulsadas pola Business Factory Auto
(BFA), con grandes multinacionais do sector tecnolóxico na feira anual da
electrónica e tecnoloxÃas dixitais (CES), que se celebrou esta semana en Las
Vegas.
A BFA asistiu ao encontro, acompañada polo IGAPE,
con membros de seis empresas participantes da aceleradora da automoción: Help
Flash, VMS, Xesol, Muutech, Little Electric Cars e Improsec, que puideron
coñecer as innovacións tecnolóxicas de próxima xeración no mercado, entre as
que destaca a tecnoloxÃa 5G, deseñada para facilitar a implementación do
Internet das cousas (IoT).
Para as máis dun milleiro de startups
presentes na feira, no Eureka Park Marketplace, e para as seis galegas, en
concreto, o CES é unha oportunidade para darse a coñecer e pechar reunións de
traballo coas multinacionais do sector, nun evento que é punto de encontro para
máis de 4400 empresas da industria electrónica e 180.000 profesionais de ao
redor de 155 paÃses do mundo.
A asistencia a este encontro internacional das
iniciativas empresarias aceleradas pola Business Factory Auto, que a Xunta
impulsa xunto a PSA, CEAGA e o Consorcio Zona Franca e, que está a celebrar xa
a súa terceira edición, facilita a proxección internacional dos seis proxectos
participantes e a súa competitividade nos mercados a través da modernización
tecnolóxica.
No apartado da automoción, a feira incluÃu a
presentación das últimas novidades dos grandes fabricantes do sector, entre as
que salientaron os sistemas de autocondución, o coche eléctrico, os servizos
conectados ou as tecnoloxÃas de realidade virtual para pasaxeiros.
Crear un polo de innovación baseado no emprendemento
innovador no sector da automoción é o obxectivo da BFA, a aceleradora na que
participan na actualidade 20 iniciativas, entre as que se atopan un proxecto de
Dubai e outro de Alemaña. Esta bussiness
factory, impulsada pola ConsellerÃa de EconomÃa, Emprego e Industria, forma
parte da plataforma StartIN Galicia, a rede galega de aceleradoras nas que
están presentes ademais da automoción, os sectores biotecnolóxico e
aeronáutico, e que leva apoiado preto de 900 proxectos de emprendemento nos
últimos cinco anos.