O III Congreso Nacional de Policías Tecnolóxicas achegará solucións ao ciber-crime

mércores, 4 de novembro do 2009 Raquel Noya

A organización do Congreso Nacional de Policías Tecnolóxicas vai celebrar, mañá xoves 5 de novembro, ás 11:30 horas, a terceira edición do seu evento anual, no que se presentarán as iniciativas e retos aos que se enfrontan os corpos e forzas de seguridade do Estado, as empresas e os creadores en relación co ciber-crime, así como os riscos que para o desenvolvemento da sociedade da información supón un entorno dixital inseguro ou ilegal.
O incremento do número de actividades económicas e sociais que se realizan a través de todo tipo de sistemas e dispositivos tecnolóxicos, fai que un maior número de colectivos criminais empreguen a tecnoloxía para lograr os seus obxectivos, con grave perxuicio para cidadáns e empresas.
Ao acto asistirán, entre outros, os representantes dos Ministerios de Cultura, Industria e Interior, e o presidente do Comité de BSA en España, Luis Frutos.

PUBLICIDADE