O ILG e o CiTIUS colaborarán para facer realidade o Proxecto Nós
martes, 26 de outubro do 2021
Esta
mañá presentouse o primeiro acordo para o Proxecto Nós de Intelixencia
Artificial ao servizo da lingua galega, que supón o inicio do
desenvolvemento desta iniciativa coa que se incorporará o galego ao eido dixital.
O conselleiro de Cultura, Educación e Universidade, Román RodrÃguez, e o reitor
da Universidade, Antonio López, xunto á directora da AMTEGA), Mar Pereira,
informaron sobre esta colaboración coa que o proxecto se nutre dunha primeira
inxección económica que permite avanzar na planificación e dotación de
recursos.
Román RodrÃguez asegura que «este é un proxecto ambicioso,
de paÃs, pensado para o curto, medio e longo prazo e no que resulta
imprescindible un apoio público que garanta chegar alá onde o mercado non chega».
O convenio entre ambas institucións supón un primeiro investimento de 150.000
euros grazas ao que arrincará a fase inicial no desenvolvemento do proxecto
para definir, deseñar e elaborar a planificación cunha proposta inicial da
estratexia.
AsÃ, de xeito coordinado e colaborativo, a Xunta e a
Universidade de Santiago, a través do Instituto da Lingua Galega (ILG) e o
Centro Singular de Investigación en TecnoloxÃas Intelixentes (CiTIUS), comezarán
coa catalogación dos recursos dispoñibles para levar a cabo un deseño das
diferentes partes do Proxecto Nós, en dúas grandes áreas: procesamento de voz e
procesamento de texto. Definiranse os equipos de traballo, as estratexias de
coordinación entre eles e metodoloxÃas de seguimento e avaliación da calidade,
tanto dos recursos como das ferramentas resultantes.
Asistentes de voz e teleasistencia avanzada
Como indicou Román RodrÃguez, «estamos ante un primeiro paso
clave co que blindamos ese apoio público necesario para que Galicia poida
participar no mundo dixital sen renunciar á súa lingua ao tempo que situamos a
nosa Comunidade na vangarda da Intelixencia Artificial e TecnoloxÃas da
Linguaxe aplicadas a este fin». Trátase dunha colaboración coa que se sentan as
bases dun proxecto «para o que prevemos
destinar 15,5 millóns de euros ao abeiro dos fondos europeos Next Generation».
O titular de Cultura e Educación referiuse ao carácter
estratéxico deste proxecto ao supor «o maior investimento directo na promoción
do galego de toda a nosa historia cunha transcendencia que vai moito máis alá
da promoción do uso da lingua». Neste sentido, recordou que se trata dunha
iniciativa coa que se compilará unha ampla variedade de recursos lingüÃsticos
dixitais de calidade en galego, de balde e en código aberto para que poidan ser
empregadas por todo tipo de empresas e institucións, posibilitando o acceso en
lingua galega a un gran abano de produtos dixitais presentes pero tamén
futuros.
O Proxecto Nós conseguirá a presenza do galego en asistentes
de voz, subtitulación automática de contidos audiovisuais, apoio ao diagnóstico
médico, servizos de teleasistencia avanzada, tramitación administrativa a
través de asistentes virtuais, entre outros.
O Proxecto Nós confÃa en contribuÃr ao proxecto de paÃs non
marco dos fondos Next Generation que anunciou recentemente o Goberno da España
para desenvolver as tecnoloxÃas da lingua e, en concreto, a aplicación da
intelixencia artificial e que as máquinas falen non só español senón tamén
galego.