O LG KT770, novo móbil baseado en Symbian

xoves, 19 de febreiro do 2009 Marcus Fernández

Os novos grandes teléfonos de LG apostarán por Windows Mobile como sistema operativo, pero iso non fai que o fabricante abandone outras plataformas, e como exemplo temos que entre os novos terminais anunciados durante o Mobile World Congress de Barcelona está o LG KT770, que sería un móbil con teclado deslizante que funciona con Symbian v9.3 S60 3rd edition.
O dispositivo conta cunha pantalla de 2,8 polgadas cunha resolución de 240 x 400 píxeles, tamén ten unha cámara de 5 Mpíxeles (con recoñecemento de caras e sorrisos), integra A-GPS, 1 ou 2 Gb de memoria interna (ampliable con tarxetas microSD de ata 16 Gb) e ten unha boa conectividade (HSDPA a 7,2 Mbps, Wi-Fi e Bluetooth 2.0).
Este mobil de 111 x 51,5 x 15,8 milímetros busca achegar ao usuarios unha boa experiencia de navegación en páxinas web, e nesta dirección inclúe precargadas aplicacións como Facebook, Fring ou Quickoffice (e incluso unha versión de avaliación de Navigon).

PUBLICIDADE