O LG Optimus G supera o seu primeiro millóns de unidades vendidas

O LG Optimus G anunciábase como o novo móbil insignia do fabricante surcoreano, cun procesador de 4 núcleos a 1,6 GHz, 2 Gb de RAM, 32 Gb de almacenamento interno, unha pantalla de 4,7 polgadas cunha resolución de 1.200 x 768 píxeles e cámaras de 13 e 1,3 Mpíxeles, e aínda que non está a ter o recibimento masivo que teñen os móbiles de Samsung, parece que a cousa non vai moi mal para este smartphone, que vén de superar o primeiro millón de unidades vendidas.
Este móbil presentouse en outono do ano pasado, pero aínda non rematou o seu espallamento internacional, estando prevista a súa chegada a China e moitos países europeos durante este mesmo trimestre. LG tamén informou dos seus resultados de vendas do trimestre que remata o 31 de outubro, no que superou a súa propia marca ao lograr colocar 7 millóns de smartphones a nivel mundial (o seu record anterior era de 6,2 millóns) dos que uns 2,1 millóns corresponderían a móbiles con LTE (4G).