O Lenovo Air 13 Pro entra na guerra dos ultraportátiles económicos
xoves, 28 de xullo do 2016
A poucas horas da presentación
do Mi Notebook Air de Xiaomi, ultraportátil que promete arrasar en China,
xorde un novo equipo de Lenovo que vai a polo mesmo anaco de torta, o Air 13 Pro, que pode xa reservarse a un prezo promocional de 4.999
iuans (678 euros), o que parece un prezo bastante bo para un equipo delgado
(1,48 centímetros) e lixeiro (1,29 quilogramos) que integra unha pantalla IPS
Full HD de 13,3”, un procesador Intel Core i5, 4 GB de RAM, 256 GB de SSD,
gráfica nVIDIA GeForce 940MX con 2 GB de memoria, un porto USB 2.0, un porto
USB 3.0, un porto USB-C, Wi-Fi AC, Bluetooth 4.1, lector de tarxetas de
memoria, webcam de 720p, teclado retroiluminado e unha batería que promete unha
autonomía dunhas 7 horas.
Temos así un grande competidor do equipo de Xiaomi, que diferénciase
principalmente na diferencia de configuración na RAM e na gráfica, xa que o
ultraportátil de Xiaomi opta por 8 GB de RAM e 1 GB de memoria gráfica, mentres
que Lenovo aposta por 4 GB de RAM e 2 GB de memoria gráfica. En calquera caso,
parece que Lenovo apunta por unha gama máis alta, e, de feito, estamos a falar
do seu modelo máis básico, que fóra de promocións venderase a 5.499 iuans (746
euros), contando tamén cun modelo cun procesador Core i7 e 8 GB de RAM por
6.299 iuans (855) e outro ao que amplíanlle a súa unidade SSD até os 512 GB
chegando aos 6.999 iuans (950 euros), o que xa no é un produto precisamente
económico, pero continúa a ser un magnífico ultraportátil a un prezo moi
axustado (xa que trataríase dun equipo cunha potencia comparable á dun MacBook
Pro, pero co formato dun MacBook Air, e un prezo inferior á metade). Un equipo
moi recomendable que confiemos en que chegue aos mercados occidentais a prezos
tan competitivos.