O Mi MIX 3 sae á venda oficialmente en España

En outubro presentouse o Mi MIX 3, un smartphone de marcos reducidos que para maximizar o espazo do súa pantalla na frontal optou por un deseño deslizante para agochar a súa cámara frontal, conseguindo así que a súa pantalla de 6,39 polgadas ocupase o 93,4% do espazo, converténdose nun dos terminais máis atractivos do catálogo de Xiaomi, e que por fin chega oficialmente a España a un prezo de 499 euros para o seu modelo con 6 GB de RAM e 128 GB de almacenamento interno.
Este smartphone de corpo cerámico pode considerarse como o terminal estrela de Xiaomi, non só polo seu deseño, senón tamén por coidar o seu apartado fotográfico (a súa cámara traseira dual de 12 + 12 Mpíxeles consegue unhas magníficas instantáneas incluso con pouca luz e o móbil recibiu unha puntuación de DxOMark no apartado fotográfico, situándoo entre os mellores smartphones do mercado, aínda que en vídeo tamén pode presumir de contar con cámara super lenta a 960 imaxes por segundo), funciona cun potente procesador Qualcomm Snapdragon 845 e a súa batería de 3.200 mAh conta con carga rápida por USB-C e tamén inclúe un cargador sen fíos de 10 watts.
A cámara frontal deslizante do Mi MIX 3 ten sensores de 24 e 2 Mpíxeles, e tamén conta con funcións avanzadas como modo retrato, iluminación de estudio, desenfoque dinámico e incluso gravación de vídeo con desenfoque de fondo.
Ao estarmos ante un terminal de alta gama, tamén conta con Bluetooth 5.0 (compatible con AAC, AptX e AptX HD) e NFC. Todo un buque insignia que dende hoxe está dispoñible en tendas españolas de xeito oficial.