O Oppo R1S terá 4G, procesador Qualcomm e cámara de 13 Mpíxeles

venres, 25 de abril do 2014 Marcus Fernández

Antes de que o Oppo R1 chegue á tenda europea da compañía chinesa, o fabricante xa actualiza o terminal de xeito significativo, lanzando o Oppo R1S, revisión que mantendo o prezo en 2.498 iuans (289 euros) consegue mellorar nos aspectos que máis se valoran actualmente, incorporando conectividade LTE (4G), adoptando un procesador Qualcomm Snapdragon 400 e levando a súa cámara traseira dos 8 aos 13 Mpíxeles, aínda que como desvantaxe, elimina o soporte de dobre SIM.
O Oppo R1S é bastante modesto no resto prestacións, con 1 Gb de RAM, 16 Gb de almacenamento interno, pantalla de 5 polgadas cunha resolución de 1.280 x 720 píxeles (sen chegar ao Full HD doutros terminais da compañía), Bluetooth 4.0, batería de 2.410 mAh, un grosor de 7,1 milímetros e un peso de 140 gramos. Un terminal bastante equilibrado, que resultaría moi atractivo se non fose porque xurdiron grandes competidores como o OnePlus One, que resulta máis económico e potente.

PUBLICIDADE