O Parlamento de Galicia adopta o dominio .gal para o seu correo electrónico

O domino .gal celebrou o pasado mes o primeiro aniversario da súa posta en funcionamento, o que animou ao Consello da Xunta a manifestar o seu compromiso co dominio galego na Internet para regular o seu uso nas páxinas web institucionais, que terán que adoptar o .gal de xeito oficial de xeito paulatino tanto para a súa presenza web coma no uso do correo electrónico, sendo un dos primeiros organismos públicos en dar este último paso o Parlamento de Galicia, que hoxe mesmo anunciou que todos os correos electrónico que envíen a partires de agora o deputados, deputadas, grupos parlamentarios e persoal ao servizo da Administración parlamentaria remítense xa dende o dominio parlamentodegalicia.gal.
Pilar Rojo, presidenta do Parlamento, informou desta decisión na xuntanza da Mesa e da Xunta de Portavoces do Parlamento celebrada onte, como unha medida orientada a mellorar a visibilidade do dominio .gal e incrementar a proxección de Galicia na Rede.
Actualmente o Parlamento de Galicia conta co mencionado dominio .gal e tamén o máis curto parlamento.gal, que foi o estreado o pasado 25 de xullo dentro do Programa Pioneiros do PuntoGal.