O Plan ÚNICO equipa con banda larga 236 vivendas e empresas de Betanzos

luns, 28 de agosto do 2023 S. P.

O delegado do Goberno en Galicia, Pedro Blanco, estivo este luns 28 de agosto en Betanzos, onde foi recibido pola alcaldesa, María Barral, e aproveitou para pór en valor os máis de 400 millóns de euros que investirá o Goberno de Pedro Sánchez en Galicia no período 2018-2025 para a rehabilitación de 25.000 vivendas e a construción doutras 1.200 vivendas sociais na nosa terra. O delegado destacou os máis de 8 millóns de euros investidos polo Goberno en Betanzos e salientou tamén os 2 millóns destinados a rehabilitación de vivendas nos últimos anos.
Tamén puxo en valor o convenio recente para actuar, con 700.000 euros, en 40 inmóbeis do centro histórico; ou o investimento de 2,2 millóns de euros para a substitución da práctica totalidade das luminarias do concello por outras LED, máis eficientes; os 14.500 euros para actuacións no marco do Pacto de Estado contra a Violencia de Xénero ou o Programa ÚNICO Banda Larga, que permitiu levar Internet de alta velocidade a 236 vivendas e negocios do concello de Betanzos que aínda non contaban con este servizo.

PUBLICIDADE