O Premio Nobel da Física recoñece o traballo a prol do machine learning

Ilustración de Niklas Elmehed dos galardoados

Hoxe déronse a coñecer oficialmente os gañadores do Premio Nobel da Física 2024 por parte da Academia Real Sueca das Ciencias, sendo os galardoados físicos destacados polo desenvolvemento de métodos fundacionais do machine learning.
John J. Hopfield, da Universidade de Princeton, creou unha memoria asociativa capaz de almacenar e reconstruír imaxes e outros tipos de patróns de datos, mentres que Geoffrey E. Hinton, da Universidade de Toronto, inventou un método para buscar propiedades en datos de xeito autónomo e desenvolver tarefas como identificar elementos específicos en imaxes.
Os traballos destes científicos contribuíron ao desenvolvemento das redes de neuronas artificiais dende os anos 80, polo que foron unha peza clave para chegar á situación actual.