O Premios Paraugas son boa mostra do talento do sector da comunicación en Galicia

O vicepresidente económico e conselleiro de Economía, Empresa e Innovación, Francisco Conde, afirmou hoxe que os Premios Paraugas, promovidos polo Clúster da Comunicación de Galicia coa colaboración da Xunta a través da Axencia Galega de Innovación (Gain), amosan o valor do deseño e as novas tecnoloxías dixitais como ferramentas para incrementar a competitividade das pemes.
Así o manifestou durante o acto de inauguración da quinta edicións destes premios aos que optan as mellores empresas e profesionais galegos en campos como a edición, o deseño ou o márketing dixital. Ferramentas, engadiu, que son un factor clave de competitividade e diferenciación para calquera empresa, e que requiren dun esforzo constante por innovar.

A gala deste ano foi totalmente virtual, estando conducida por Luís Fraga e Belén Xestal.

Conde, que inaugurou o evento por vía telemática, subliñou que é por iso que a Xunta está apostando por impulsar a dixitalización e a vertente máis industrial do deseño para diferenciar o carácter innovador da industria e do tecido empresarial galego. De feito, estes premios recollen tres subcategorías que son: Mellor deseño gráfico, Mellor deseño industrial ou de produto e Mellor deseño dixital.
En palabras do vicepresidente económico, os Premios Paraugas poñen de manifesto unha edición máis, o talento das empresas e profesionais galegos dedicados a este sector. Son a mellor plataforma para difundir e recoñecer todo este talento con Marca Galicia, concluíu.
Entre as iniciativas galardoadas nesta edición dos Premios Paraugas de Comunicación cómpre salientar ao proxectivo educativo da CRTVG arredor da lingua galega, #DígochoEu, que trunfou na categoría de Mellor Execución de Idea; tamén podemos destacar que o premio ao Mellor Deseño Dixital recaeu en Teiga Studio pola páxina web Arturo Álvarez; o premio á Mellor Estratexia de Marketing Dixital foi para Visual Publinet por Bonilla a la Vista: una transformación digital de cine; e o Mellor Proxecto de Social Media foi para Nasas por Husqvarna España – redes sociais.