O Programa ÚNICO levará a banda larga ultrarrápida a 370 fogares e comercios de Rairiz de Veiga

O subdelegado do Gobierno en Ourense, Emilio González, visitou este xoves 24 de agosto o concello ourensán de Rairiz de Veiga, onde analizou na compaña da alcaldesa, Asunción Morgade, os proxectos que se están a levar a cabo grazas aos investimentos do Executivo central, que superan os 600.000 euros a través des tres ministerios. Entre os proxectos impulsados atópase a mellora enerxética da iluminación municipal deste Concello (que está na súa segunda fase e que consiste na substitución de luminarias de tipo tradicional por luminarias de tipo LED) ou o subministro de banda larga para veciños e empresas.
Este proceso de dixitalización estase a materializar a través do Ministerio de Asuntos Económicos e Transformación Dixital e enmárcase no Programa ÚNICO, abeirado ao Plan de Recuperación, Transformación e Resiliencia do Gobierno.
O subdelegado explicou que o facilitará a conexión de banda larga ultrarrápida a 370 fogares e comercios de Rairiz de Veiga, “o que na práctica supón a dixitalización completa do territorio municipal, dándolle acceso con velocidades de 300Mbs”, sinalou.
Tamén lembrou que o concello Rairiz de Vega está incluído no Sistema de Seguimento Integral de Vítimas de Violencia de Xénero do Ministerio do Interior (VioXén). Este ano recibiu 1.737,74 euros dos Fondos do Pacto de Estado contra a Violencia de Xénero.