O bq Aquaris 4 sae á venda por 134,90 euros

xoves, 28 de novembro do 2013 Marcus Fernández

A compañía española Bq está a gañar a pulso a súa terceira posición no mercado de smartphones en España, o que está a conseguir colocando nas tendas terminais libres, con dobre SIM e a prezos axustados, sendo a súa última achega o Aquaris 4, que sae á venda por 134,90 euros, e busca satisfacer a eses usuarios que consideran demasiado pequenas as pantallas de 3,5 polgadas.
O bq Aquaris 4 chega cunha pantalla IPS de 4 polgadas cunha resolución de 800 x 480 píxeles, procesador de dobre núcleo a 1 GHz, 1 Gb de RAM, 12 Gb de almacenamento interno (ampliable mediante microSD), cámaras de 5 e 0,3 Mpíxeles, Wi-Fi N, radio FM, batería de 1.500 mAh, un grosor de 10,5 milímetros, un peso de 135 gramos e sistema operativo Android 4.1, de xeito que estariamos ante un dispositivo de gama media que parece querer competir co supervendas Samsung GALAXY Trend, co que garda moitas semellanzas (superándoo moi lixeiramente en moitos apartados por un prezo un chisco inferior).

O novo móbil de Bq chega cun tamaño de pantalla de 4 polgadas

PUBLICIDADE