O concurso da camiseta de Galiciencia 2022 xa ten gañadoras

Finalmente xa hai gañadoras no concurso do deseño da camiseta oficial da Galiciencia 2022, a feira científica e tecnolóxica máis relevante do panorama galega, organizada pola Tecnópole de Ourense dende 2006. Trátase de dúas alumnas do CEIP Lamas de Abade de Santiago, Matilde Tacón e Rita Doce. Ao certame, centrado na Economía Circular, presentáronse 300 debuxos de 13 centros educativos de Primaria de toda Galicia.
Como dixemos, as gañadoras do concurso foron Matilde Tacón e Rita Doce, alumnas de sexto curso do CEIP Lamas de Abade de Santiago de Compostela. O título do seu debuxo é Soña en Verde e amosa a regra das 7R: reciclar, reducir, reparar, recuperar, renovar, reutilizar e redeseñar. Son as sete accións destinadas a conseguir unha economía circular e un futuro sustentábel para todos.
Ao certame presentáronse 300 debuxos de 13 centros educativos de Primaria de toda Galicia. Un xurado de expertos decidiu a proposta gañadora. As dúas rapazas premiadas recibirán camisetas para toda a súa clase, con exemplares tamén para os seus profesores e familiares. Así mesmo, distribuiranse camisetas entre o persoal da organización e entre o alumnado que presente os seus proxectos na feira.