O director do CITIC é nomeado membro do comité asesor da International AIQT Foundation

xoves, 14 de xaneiro do 2021 Redacción

O director do CITIC, Manuel F. González Penedo, vén de ser nomeado membro do Comité Asesor en Intelixencia Artificial da International AIQT Foundation, a plataforma de competencia internacional nos campos da Intelixencia Artificial e a tecnoloxía cuántica, con sede en Suíza.
Segundo explican fontes do Centro de Investigación TIC da UDC, a International AIQT Foundation ofrece unha rede internacional única para dar forma ás axendas nacionais e internacionais e promover proxectos, reunindo representantes da ciencia, os negocios, a política e a sociedade civil para “promover e apoiar a cooperación interdisciplinaria, o avance da ciencia e os proxectos e o desenvolvemento de solucións aplicadas e baseadas nas necesidades no intercambio entre ciencia, negocios, política e sociedade civil”.
O comité asesor da fundación, do que forma parte o director do CITIC, está composto por expertos de todo o mundo que asesoran e apoian á organización como organismo especializado nos eidos da Intelixencia Artificial e a tecnoloxía cuántica.

PUBLICIDADE