O estudo de SinFiltro sobre tecnólogos reclama máis recoñecemento, seguridade e descanso para os profesionais TIC

SinFiltro, entidade galega centrada en divulgar o lado máis humano, consciente e sostible das profesións TIC, compartiu os resultados da cuarta edición do estudo Estado Emocional do Tecnólogo en España, unha iniciativa que busca visibilizar como se senten realmente os profesionais que impulsan a transformación dixital.
Este documento recolle os principais achados dunha enquisa anónima realizada a perfís técnicos e de xestión do sector TIC en España. A través de datos, o dossier ten o obxectivo de brindar “unha visión clara sobre temas como a tensión laboral, a desconexión dixital, a percepción de recoñecemento ou o desexo de cambio profesional”.
O estudo, cuxos resultados máis destacados foron dados a coñecer publicamente no evento SinFiltro: Cara ao Futuro e Máis Aló, celebrado o pasado 11 de xuño en sede Afundación, contou coa participación de profesionais TIC de toda España, e foi apoiado por entidades como o Consello Xeral de Colexios Profesionais de Enxeñería Informática, universidades e colexios profesionais autonómicos.
Entre os principais achados destacan:
-O 78% dos enquisados afirma sentirse valorado na súa empresa, o que reflicte unha conexión entre
o esforzo do talento tech e o recoñecemento recibido.
-Máis do 50% declara experimentar tensión laboral por encima do esperado, especialmente en departamentos TIC con alta carga operativa.
-O 40% cambiaría de profesión se puidese manter o seu nivel de ingresos, o que pon en evidencia un
desgaste emocional significativo.
-A pesar diso, o 86% séntase a gusto cos seus compañeiros de equipo, o que suxire que a contorna humana inmediata segue sendo un factor de contención emocional.
“Os tecnólogos non só necesitan formación e retos, tamén necesitan descanso, recoñecemento e espazos seguros. Este estudo axúdanos a entender como se senten para poder coidalos mellor”, explican desde SinFiltro.