O foro dos novos empresarios do Gaiás incidirá nas revolucionarias tendencias da innovación
mércores, 19 de febreiro do 2020
O
vindeiro 12 de marzo, a
Cidade da Cultura acollerá o Foro Empresarial AJE Galicia 2020,
un encontro destinado a facer debate e escaparate do que que será,
antes de que nos decatemos, o futuro da actividade empresarial.
Poranse enriba da mesa novas tendencias de innovación e de
investimento e métodos para mellorar a produtividade e a capacidade
para chegar a novos mercados das nosas empresas.
O
evento reunirá a empresarios e institucións de toda España, de
todos os sectores. Está dirixido á mocidade emprendedora, sobre
todo. Contará con relatores e relatoras como Emilio Duró,
empresario e adestrador, ou a coruñesa Yaiza Canosa, directora
executiva de GOI, a startup considerada como “o
BlaBlaCar da paquetería”.
O
Congreso AJE Galicia realízase en virtude dun convenio asinado entre
a Xunta de Galicia e a Asociación de Empresarios Novos (AJE). A
través deste acordo (asinado entre o presidente da asociación,
Luciano Velo, e a directora xerente da Cidade da Cultura, Ana Isabel
Vázquez), ambas entidades programarán actividades formativas e de
asesoramento que completen a oferta destinada ás empresas do Centro
de Emprendemento do Gaiás así como dos afiliados de AJE Galicia.