O futuro da prensa debateuse na Coruña
venres, 20 de xuño do 2008
Este xoves celebráronse na Coruña as V Xornadas sobre a Prensa e Novas TecnoloxÃas organizadas pola Asociación
de Editores de Diarios Españois (AEDE), que contaron coa presenza de
representantes de moitos dos grupos de comunicación do Estado, e que serviu
coma espazo de reflexión sobre o futuro da prensa tanto no papel como na
Internet.
Os distintos poñentes coincidÃan en que o mercado norteamericano da prensa
escrita estaba a vivir unha crise de vendas moi importante que poderÃa
contaxiarse a Europa, o que deberÃa compensarse mediante a capitalización das
edicións en liña que cada dÃa teñen mellor aceptación polo público, destacando
o director de La Voz de Galicia, Xosé LuÃs Vilela, que aÃnda que se tenda a
dicir que a prensa está en crise, o certo é que a comunicación nunca estivo
mellor.
Lembremos que no actual panorama de desaceleración
económica, os medios tradicionais están a ver cómo reducen os seus ingresos
publicitarios, pero na Internet estas achegas económicas non deixan de medrar,
e a Asociación Mundial de Xornais (WAN) estima que nos vindeiros 5 anos de duplicarán os
ingresos por tal canle chegando a supor o 12% da publicidade total
dos periódicos en 2011.
Para avanzar neste eido a prensa tamén ten un conflito que se está a solucionar
de xeitos moi diversos, que é a integración das redaccións tradicionais e
dixitais. Un medios están a apostar por unha fusión absoluta,
mentres que outros traballar pola colaboración entre os distintos equipos,
coincidindo todos que é un reto
importante, que en boa medida se ten que solucionar con formación e
investimento, posto que escribir para unha edición impresa non é o mesmo que
para a web (como ben destacou Roberto de Celis, director de Internet de
ABC-Vocento, quen tamén destacou a tendencia de levar a televisión á web).
Oportunidades tecnolóxicas
Pero as xornadas non só contaron con relatorios de expertos de dentro dos
medios, senón que tamén se viron algunhas visións alleas, como a do profesor de
Xornalismo en liña da City University London, Chris Brauer, quen falou das
novas tendencias, e do éxito que teñen na web certos contidos anecdóticos e
case irrelevantes, que parecen atraer a máis público, e que deberÃan chamar á
reflexión para atopar novos xeitos de dar peso á información en profundidade,
para que o xornalismo en liña non se converta na exaltación do superficial.
Tamén considera que a importancia que se lle estaba a dar aos vÃdeos na web foi
esaxerada, e que agora hai que buscar o tipo de vÃdeo máis axeitado ao medio.
Icaro Moyano, responsable de comunicación de Tuenti, tamén ilustrou aos
asistentes sobre o poder das redes sociais e a súa capacidade de fidelización,
aÃnda que entre a audiencia reinaba a incredulidade por non considerar viable o
modelo de negocio deste tipo de plataformas que, pese a ter moitos usuarios e
xerar millóns de impresións, aÃnda non se sabe se serán rendibles no futuro.