O micrófono RØDE NT1 renóvase
luns, 20 de febreiro do 2023
O micrófono
de estudio RØDE NT1, do que venderon máis de 6 millóns de unidades nos últimos
30 anos, chega
á súa 5ª xeración, considerada como a evolución máis significativa deste
micrófono de condensador, que conta con conexións XLR e USB-C, procesamento de
sinal dixital avanzado e, como grande novidade, unha saÃda dixital de 32 bits
que presume de estar libre de distorsións grazas a contar cun rango dinámico
tan elevado.
Este micrófono ten unha cápsula cun diafragma HF6 de 1 polgada; presume de ser
o micrófono de condensador de estudio máis silencioso do mundo (4dbA); conexión
dual XLR e USB-C (de xeito que pode usarse directamente no ordenador ou conectado
en mesas de mestura e interfaces de audio); incorpora un analóxico-dixital de
até 192 kHz; integra un procesador dixital avanzado (con compresor, porta de
ruÃdo, filtro de paso alto de dous pasos efectos Aural Exciter e BigBottom);
inclúe cables, soporte anti-vibración e filtro anti-vento; e a posibilidade de
adquirilo con acabado en negro ou en prata.
Este micrófono tamén é compatible coas aplicacións RØDE Central e RØDE Connect,
que son de grande utilidade para os creadores de contido, e incluso ofrecen a
posibilidade de conectar até 8 destes micrófonos a un único ordenador persoal
para facer gravacións multipista (o que supón que non só estamos ante un bo
micrófono, senón que podemos velo como unha solución total de gravación
dixital).
O novo RØDE NT1 chegará ao mercado en marzo a un prezo
recomendado de 299 euros.