O novo Invizimals chega ás tendas

A grande franquía de xogos de realidade aumentada da española Novarama para consolas portátiles de Sony, Invizimals, conta por fin cunha nova entrega, Invizimals: La Resistencia, que dende hoxe pode atoparse en tendas para que os usuarios de PS Vita poidan xogar a capturar a máis de 150 criaturas, das que 50 son totalmente novas. O xogo pode atoparse solto en tendas a un prezo de 29,99 euros (mentres que en formato descargable podemos mercalo por só 24,99 euros) aínda que tamén está dispoñible nunha edición especial que custa 39,99 euros e inclúe as figuras de Tigersharl, Icelion e Uberjackal e 3 tarxetas de realidade aumentada para descargar 3 criaturas exclusivas.
Tamén é posible atopar en tendas unha versión da consola PS Vita que inclúe unha tarxeta de memoria de 8 Gb e códigos de descarga de Invizimals: La Resistencia e Los Muppets: Aventura de Película a un prezo recomendado de 209,99 euros.
Este novo xogo de Invizimals sitúa ao xogador nunha situación na que o cuartel xeral da Alianza de Cazadores foi atacado polo exército de robots Xtractors, polo que haberá que unirse á Resistencia e reagrupar aos Cinco Campións e invocar ao Precursor para poder solucionar o enredo.

Anuncio televisivo de Invizimals: La Resistencia