O pazo de Arenaza acolle este venres unha xornada de traballo en rede para xerar novas sinerxías entre empresas

O pazo de Arenaza acolle este venres 29 de setembro a xornada de traballo en rede Conectando pemes, organizado coa colaboración da Deputación da Coruña e Asociación de Empresarios Novos da Coruña (AJE Coruña). A cita será ás 12.00 horas. Trátase dun evento de networking que procura o establecemento de novos contactos entre empresas. A primeira fase da sesión brindará a todos a oportunidade de presentar ao resto o seu proxecto ou empresa nun breve pitch.
A continuación, as 25 persoas empresarias e emprendedoras de diversos ámbitos profesionais compartirán varias mesas de networking. A dinámica consistirá en que cada empresario/a contará con dous minutos en cada mesa para presentarse e presentar a súa empresa aos demais participantes e, unha vez transcorridos 10 minutos, realizarase un cambio de mesa. De xeito que todas as persoas asistentes charlen entre si.
Este evento terá unha duración de dúas horas, de 12.00h a 14.00h, e inscrición é gratuíta e poderá formalizarse a través da web do pazo.
Desde o coworking do pazo de Arenaza, centro integrante da Rede Provincial de Espazos de Traballo Colaborativo da Deputación da Coruña, trátase de fomentar as sinerxías entre pemes e propiciando a xeración de novas ideas empresariais.