O programa Campus en Rede dará cobertura sen fíos a todas as universidades públicas

No marco do Plan Avanza, a entidade pública Red.es, dependente do Ministerio de Industria, Turismo e Comercio (MITYC), vén de anunciar que lle dará cobertura Wi-Fi ás universidades públicas españolas a través do programa Campus en Rede, a partires do vindeiro mes de outubro.
Este plan de converxencia conta coa colaboración do Ministerio de Educación e Ciencia (MEC) e servirá para impulsar “o despregue e o emprego das redes sen fíos para acceder a Internet e a outros servizos nos campus das universidades españolas”.
O acto de presentación do devandito programa terá lugar o vindeiro 27 de outubro na Secretaría de Estado de Telecomunicacións e para a Sociedade da Información (SETSI) ás 11 da mañá.