O salón MIT de Lugo abre as portas este sábado 20 de outubro
venres, 19 de outubro do 2007
Este sábado 20 abre as súas portas un dos encontros que máis vai dar que falar (tecnoloxicamente falando) neste outono que está a petar a medias nas nosas xanelas. Falamos da Mostra de Innovación Tecnolóxica Empresarial de Lugo (MIT 2007), que se vai celebrar no Pazo de Feiras e Congresos de Lugo. O salón, que está organizado pola Fundación CEL a través da Sala de Innovación Tecnolóxica SITE, vai contar cunha face máis seria (a profesional, este ano dedicada especialmente a salientar as vantaxes das novas tecnoloxÃas no comercio) e outra máis distendida, encamiñada a achegar actividades de lecer para os nenos.
O encontro, que será inaugurado polo conselleiro de Innovación, Fernando Blanco, ficará de portas abertas entre as 11.00 e as 21.00 horas, de xeito ininterrompido. Como dixemos antes, esta segunda edición da xuntanza vai especialmente dirixida a subliñar a importancia das novas ferramentas tecnolóxicas no eido do comercio, no camiño de achegar máis e mellores posibilidades de competir e axilidade na xestión. Segundo sinala a Fundación CEL, o feito de que sexa prioridade desta volta fomentar o emprego das novas tecnoloxÃas no comercio vai converter en focos de interese ás compañÃas que presenten produtos e servizos como terminais TPV, desenvolvemento web e comercio electrónico, telefonÃa, identificación por radiofrecuencia (RFID), acceso á Rede, programas de xestión integral, WiMAX ou formación tecnolóxica.
Entre outros especialistas da informática, das redes da información e divulgación, MIT contará con Javier Colomar, responsable de Desarrollo de Negocio de TPV en Sage SP (que falará de TecnoloxÃa especializada para o seu negocio), Emilio Pérez Troncoso, director de Recursos Humanos de Femxa Formación (que falará sobre Novas TecnoloxÃas aplicadas á formación continua) e José MarÃa López-Bourio, presidente de AGESTIC, quen afondará na Modernización do comercio a través das TIC.