O vindeiro Foro Ineo centrarase na satisfacción do cliente TIC
luns, 4 de abril do 2011
- Javier Regueira Serrano na edición de 2007 da TechBusiness Week
Coa máxima de
Se non volven non están satisfeitos,
a vindeira edición do Foro Ineo, que terá lugar o próximo día 5 de abril en
Vigo, achegaralle ás persoas asistentes as claves para mellorar a calidade da
atención e soporte proporcionados aos seus clientes, a través da xestión dos
seus servizos apoiándose nas novas tecnoloxías.
O acto
contará coa presenza estelar de Javier Regueira, director da consultora especializada
Lambda CT, quen abordará a importancia de valorar oportunamente a atención ao
cliente e o soporte de servizos TIC, “como
parte importante deses mesmos servizos”.
Regueira
tamén explicará cómo repercute a calidade da atención e o soporte prestados ao
cliente na calidade percibida polos mesmos dos servizos de tecnoloxías da
información.
A participación neste Foro ten un custe de 25 euros por
persoa, porén as empresas asociadas a AJE Vigo, AJE A Coruña ou a INEO poderán
asistir de balde. Para participar, é preciso reservar praza a través de correo electrónico.
Este Foro forma parte dun amplo abano de actividades que a
asociación galega desenvolverá ao longo deste ano. Entre elas, destaca a
organización de relatorios para abordar aspectos relacionados coa innovación e
as novas tecnoloxías, xornadas de networking
empresarial, workshops, almorzos de
carácter informal… dos que daremos conta puntualmente en Código Cero.