O vindeiro curso 2007-2008, comezará con cobertura Wi-Fi en tódalas universidades públicas

Grazas ó programa “Campus en Rede”, impulsado por Red.es e pola Conferencia de Rectores de Universidades Españolas (CRUE), a conectividade sen fíos xa é unha realidade no ámbito universitario español.
Segundo os responsables do devandito programa, unha vez finalizados os proxectos de despregue de redes sen fíos e servizos de mobilidade, no vindeiro curso 2007-2008 haberá cobertura Wi-Fi nun total de 44 universidades españolas participantes no servizo MovIRIS/Eduroam.
Esta iniciativa beneficiará a máis de 1.283.000 estudantes e preto de 90.000 mestres, sen contar os case 40.000 traballadores de persoal administrativo, que disporán de óptimos servizos dixitais grazas ás novas conexións ofrecidas por “Campus en Rede”.