O xogo galego AR-K estrea os seus 2 primeiros episodios en Steam
luns, 21 de xullo do 2014
Tras un longo desenvolvemento e o lanzamento parcial do
primeiro episodio da aventura gráfica AR-K,
dende a coruñesa Gato Salvaje Studio decidiron redefinir o seu proxecto de
videoxogo, cunhas miras máis ambiciosas, para o que recorreron a Kickstarter
para conseguir financiamento adicional, trunfando no
micromecenado grazas en boa medida por poder fichar ao guionista de comics Greg
Rucka (Gotham Central, Whiteout e moitos outros comics de éxito)
e á actriz de dobraxe Ash Sroka (Mass
Effect), e finalmente hoxe é o dÃa na que o xogo estréase en Steam como
tÃtulo descargable para PC que presenta os seus dous primeiros episodios (o
primeiro episodio, publicado anteriormente, recibiu un importante lavado de cara, recollendo as melloras
que presenta a súa segunda entrega) a un prezo de 7,99% (prezo promocional de
lanzamento).
Pero este estudio coruñés non está a funcionar só grazas aos recursos propios e
á achega dos seus seareiros, senón que tamén vén de conseguir un préstamo
participativo convertible en capital de Xesgalicia, sociedade xestora de
entidades de capital risco da Xunta de Galicia, que deste xeito apoia a campaña
de espallamento internacional de Gato Salvaje, estudio independente que
considera que tal operación financeira demostra o interese de Xesgalicia polo
crecemento de Galicia en industrias de alto valor engadido, como son os
contidos dixitais e, en particular, os videoxogos, que permiten o crecemento de
postos de traballo nun sector mozo e con enorme potencial de crecemento futuro.
AR-K é unha aventura gráfica en 4
episodios, que tras esta re-estrea busca chegar a un amplo público global a
través de tendas de aplicacións que non se limitan a Steam (con máis de 80
millóns de usuarios), senón que tamén apostará por plataformas de menor tamaño
como Desura, Gamersgate, Windows Store e Mac App Store.
- AR-K chega agora a Steam con gráficos mellorados, unha nova interface e numerosas melloras que animan a xogar esta aventura de misterio e humor dende o principio