O₂ inclúe Movistar Plus+ na súa tarifa máis completa

O operador de baixo custo de Telefónica, O₂, vén de renovar a súa tarifa combinada de fibra e móbil máis completa, con fibra a 1 Gbps e 200 GB de datos no móbil por 50 euros/mes, incorporándolle sen custo adicional unha subscrición a Movistar Plus+ (valorada en 9,99 euros). Esta nova tarifa está dispoñible tanto para usuarios novos como para actuais.
Deste xeito, os usuarios con fibra de O₂ poden gozar de contidos audiovisuais que inclúen cine, series, documentais, deportes, programas orixinais e máis de 80 canles sen ter que contratar un servizo de televisión propio dun operador tradicional, dependente dun dispositivo receptor, xa que Movistar Plus+ pode consumirse directamente dende dispositivos móbiles, ordenadores e televisores conectados, o que permite manter prezos tan agresivos, á vez que ofrecen unha maior versatilidade para o consumidor.
Cómpre salientar que para gozar desta subscrición audiovisual hai que seguir distintos pasos en función de se xa temos usuario creado en Movistar Plus+, e se temos unha subscrición activa.