OQO actualiza o seu ordenador ultraportátil en potencia e conectividade

Os excelentes ultraportátiles de OQO gozan de sona pero non de elevadas vendas, pero iso non os frea nas súas constantes actualizacións e agora presentan o seu novo modelo 2+, con procesador Intel Atom a 1,33 ou 1,86 GHz, con 2 Gb de RAM, ata 120 Gb de disco duro (ou 60 Gb de SSD), pantalla táctil OLED de 5 polgadas cunha resolución de 800 x 480 píxeles, conectividade Wi-Fi, 3G global (HSPA/EV-DO WWAN) e Bluetooth, soporte de DirectX 9 e de decodificación de vídeo H.264 e unha autonomía de ata 7 horas (cunha batería de longa duración).
Este cativo ordenador é capaz de amosar vídeo a 1.920 x 1.200 píxeles nun monitor externo a través de HDMI/DVI/VGA e se comezará a vender na primeira metade do ano a un prezo de a partir de 999 dólares.
O OQO modelo 2+ funciona con Windows Vista ou XP, pesa menos de medio quilo, mide 14,2 x 8,4 x 2,5 centímetros e é o mellor exemplo de que aínda é posible manter equipos nunha escala intermedia entre os ultraportátiles actuais (con pantallas de entre 7 e 10,2 polgadas) e os teléfonos intelixentes e as PDA.