Olidata estrea un ultraportátil para cativos

luns, 26 de maio do 2008 Marcus Fernández

Os ordenadores ultraportátiles de baixo custo non paran de chegar ao mercado, pero aínda que na meirande parte de trate de ordenadores pensados coma segundo equipo (con maior mobilidade) a italiana Olidata decidiu orientar o seu equipo desta categoría aos cativos.
O Olidata JumPC ten un procesador Intel Celeron a 900 MHz, unha pantalla de 7 polgadas cunha resolución de 800 x 480 píxeles, 512 Mb de RAM, unha memoria Flash de 2 GB, webcam, lector de tarxetas SD/MMC, Wi-Fi, Ethernet, 2 portos USB e Windows XP Home preinstalado a un prezo de só 299 euros, polo que resulta bastante completo e barato, aínda que o máis destacable é que resulta robusto, soportando tanto caídas coma o derrame accidental de líquidos.
O JumPC tamén trae instalada a interface de usuario Magic Desktop, que inclúe unha serie de aplicacións e xogos pensados para os máis pequenos (aínda que se pode prescindir desta interface para usar a aparencia normal de XP).


Presentación (en italiano) deste portátil para nenos

PUBLICIDADE