OneDrive facilitará as copias de seguridade dos cartafoles máis importantes do noso equipo
xoves, 16 de agosto do 2018
O
servizo de almacenamento na nube de Microsoft, OneDrive, está a ampliar as súas
posibilidades para usuarios particulares, que van poder gozar
da protección dos cartafoles, ou sexa, que será posible sincronizar os contidos
dos cartafoles de documentos, imaxes e escritorio de xeito que os nosos ficheiros
máis importantes poderán gozar dunha copia de seguridade na nube de Microsoft.
A protección de cartafoles con OneDrive (en equipos con Windows 10) estreouse no mes de xuño entre os usuarios
corporativos, e agora está espallándose a funcionalidade entre os usuarios particulares,
de xeito que ao rematar a semana todos os usuarios de OneDrive deberÃan poder
empregar esta funcionalidade que resulta de grande utilidade ante perdas
accidentais de datos. Tamén resulta de grande utilidade para os usuarios que empregan
varios equipos, e que deste xeito poden ter sincronizado o seu traballo.