Os Invizimals teñen un novo xogo para móbiles

A franquía de xogos de realidade aumentada creada pola española Novarama está a medrar máis aló das consolas de Sony, e así temos como o xogo Invizimals: Batalla de Cazadores estrea versión para iOS e para Android, podendo descargarse de balde e desbloquear unha expansión para gozar de máis contidos por só 2,99 euros (que aínda que este non será o único xeito de poder gozar dos máis de 170 Invizimals que inclúe o xogo.
Este titulo tamén permite que os usuarios creen un mazo virtual incorporando as cartas físicas da nova colección de Panini que leva o mesmo nome que o videoxogo, e na que os naipes inclúen un código que pode escanearse para usar os seus Invizimals no smartphone ou tableta.
A colección conta con máis de 300 cartas, entre has que hai novas criaturas, novos ataques, vectores moi valiosos e 20 Xtractors inéditos, así como un novo tipo de carta chamado Enclaves, que son lugares aos que acudir para atopar sementes coas que mellorar os Invizimals e tamén combos que permitirán combinar ataques entre diferentes tipos de Invizimals.
Temos así como a franquía de Invizimals busca aproveitar a fórmula de éxito que están a seguir bastantes videoxogos ultimamente, na que se mestura a colección de obxectos físicos con accións dentro do xogo.