Os MacBook Pro actualízanse cos novos M3

A amplitude da familia de novos procesador M3 parece corresponder á intención de Apple de estirar a familia de equipos portátiles MacBook Pro para atender a un amplo abano de público, e así temos que os novos MacBook Pro parten de modestos procesador M3 para as súas versións con pantalla de 14 polgadas, que cun prezo de 2.029 euros busca ser o equipo de entrada desta familia de portátiles.
Os MacBook Pro con procesador M3 son equipos relativamente básicos, xa que o procesador só permite equipalos con entre 8 e 24 GB de memoria unificada e un único monitor externo, polo serven para a meirande parte dos traballos do día a día, ofrecendo unha grandes construción e autonomía, así como unha pantalla Liquid Retina XDR de 14 polgadas que teñen pouco ao que comprarse no mercado pola súa excelente calidade. Estes equipos sairán á venda o día 7 e poderán adquirirse en cor prata ou gris espacial, mentres os modelos con M3 Pro e M3 Max venderanse en cor prata e negro espacial, de xeito que unha vez máis Apple busca que sexa visible cando esteamos ante un dos seus equipos máis caros.
Cando entramos na familia de MacBook Pro con procesador M3 Pro o prezo de entrada xa sube até os 2.549 euros con pantalla de 14 polgadas e os 3.049 euros con pantalla de 16 polgadas, aínda que o salto en prezo e prestacións está claramente cos procesadores M3 Max, en equipos que parten dos 4.049 euros con pantalla de 14 polgadas e dos 4.299 euros con pantalla de 16 polgadas. A configuración máis completa dun MacBook Pro tería procesador M3 Max, 128 GB de memoria unificada, 8 TB de almacenamento interno, pantalla de 16 polgadas e un prezo de 8.579 euros. Aparte da súa potencia e calidade, estes equipos teñen entre os seus reclamos a súa eficiencia enerxética, sendo capaces de ofrecer até 22 horas de autonomía reproducindo vídeo (até 15 horas navegando pola web mediante unha conexión Wi-Fi).
A presentación dos novos MacBook Pro deixan nunha situación feble aos actuais MacBook Air de 13 e 15 polgadas, que aínda están equipados con procesadores M2, polo que moitos consumidores poderían retraerse de mercalos á espera da súa actualización (o que podería prexudicar as vendas de cara á compaña de Nadal).