Os altofalantes portátiles Jambox poderanse adquirir cun recubrimento resistente á auga

Uns produtos que están a conseguir pórse de moda son os altofalante portátiles sen fíos de Jawbone, o Jambox e o Mini Jambox, que pese a ter uns prezos bastante elevados (149,99 e 179,99 euros respectivamente) trunfan ao percibirse como unha solución elegante para escoitar música reproducida dende dispositivos móbiles con Bluetooth, pero a súa innovación non parece querer limitarse ao deseño, senón que están a incorporar unha interesante opción de configuración: por 50 dólares adicionais permiten adquirir os seus altofalantes con protección Liquipel 2.0, un recubrimento que habilita o trebello para superar a norma IPX-5, ou sexa, para soportar a auga, o que pode resultar moi atinado para quen quere escoitar música no cuarto de baño ou na piscina.
Cómpre lembrar que Liquipel é unha compañía que ofrece o servizo de recubrimento resistente á auga para dispositivos como auricualres, reprodutores multimedia, teléfonos ou tablets, podendo aplicalo aos nosos produtos ou ofrecendo tamén diferentes produtos pre-tratados na súa tenda en liña. Unha solución ideal para quen precise de protección contra a auga e non queira limitarse ao catálogo de produtos deseñados para tal fin.