Os concellos da Coruña póñense na cabeza do Estado en materia de contratación electrónica
xoves, 21 de febreiro do 2019
A
Deputación da Coruña quere que a eAdministración chegue a todos os
recantos da provincia, tal
e como informou a finais de xaneiro, subliñando a súa arela de
facelo (estender as vantaxes da xestión municipal integralmente
electrónica) antes de que remate o ano. Este proceso recibiu hoxe un
novo e importante empurrón, co afianzamento da entidade que preside
Valentín González no ranking de entidades públicas estatais
en materia de contratación electrónica. Este
procedemento (a licitación e a contratación integramente dixital)
xa é empregado, a día de hoxe, por 90 dos 93 concellos da
provincia.
Trátase,
segundo explicou o presidente provincial, dun gran avance en materia
tecnolóxica e administrativa, non só porque estas transformacións
veñen requiridas polo regulamento vixente (esíxeas a Lei 9/2017 de
Contratos do Sector Público), senón tamén polas vantaxes de
axilidade, seguridade, eficacia e inmediatez que poñen xogo para a
cidadanía e as propias administracións. “Este avance”, explicou
Valentín González, “sitúa á provincia da Coruña como unha das
primeiras de España en adaptarse á nova lexislación, e foi posíbel
en boa medida grazas ao soporte técnico e xurídico que dende a
Deputación se vén prestando aos municipios da nosa provincia dende
a entrada en vigor da Lei, en marzo de 2018”.
Así
o anunciou hoxe o titular do Goberno provincial, que mostrou os
primeiros resultados do Plan de Implantación da Licitación
Electrónica (PIL) que puxo en marcha a Deputación hai un ano “para
dar resposta aos retos que supuña para os concellos coruñeses,
principalmente os máis pequenos, a posta en marcha da nova
lexislación estatal en materia de contratación pública”.
González
Formoso salientou tamén o traballo conxunto desenvolvido polos
servizos provinciais de Infomática e Administración Electrónica e
Contratación para “fornecer aos concellos de soporte e
asesoramento integral, tanto no plano técnico coma no xurídico,
para adaptarse á nova Lei de Contratos e conseguir que, en menos de
un ano, a práctica totalidade dos concellos coruñeses estean
tramitando as contratacións de xeito 100% electrónico, situando a
esta provincia nun nivel punteiro a nivel estatal”.
Segundo
os datos ofrecidos polo presidente da institución provincial, tras
recibir máis de 1.104 consultas, a Deputación da Coruña ofreceu
ata o día de hoxe asistencia técnica e xurídica aos concellos na
tramitación de 1.007 expedientes de licitación electrónica, por un
importe total de 155 millóns de euros.
A
entidade provincial colaborou tamén na implantación da Lei de
Contratos poñendo a disposición dos concellos os novos pregos tipo
e a fórmula de valoración das ofertas económicas, adaptada á nova
lexislación e elaborada en colaboración coa Universidade de
Santiago.
Por
outra banda, a institución formou neste ano a 270 funcionarios de 88
concellos para a posta en marcha dos procesos de licitación
electrónica. Unha iniciativa que continuará en 2019 coa posta en
marcha do programa PEL-Concello Dixital, que
foi presentado (como dixemos máis arriba) a finais de xaneiro.
PEL-Concello Dixital suporá un investimento de 693.000 euros para
implantar unha administración 100% dixital nos concellos coruñeses
en 2019.