Os mapas de Google permitirán a navegación en realidade aumentada
xoves, 8 de agosto do 2019
No verán dispárase o uso da aplicación de mapas de Google, que
resulta de grande utilidade para a planificación de viaxes, non só a xeito de
mapa, senón tamén grazas ao seu apartado de Tus Sitios -> Próximos,
onde recóllense incluso as reservas de hotel, ou tamén co historial de ubicacións
(que facilita facer un repaso dos lugares visitados para asà poder facer
recomendacións ao retorno).
Pero unha
funcionalidade que leva en probas dende hai varios meses vai comezar o
seu espallamento esta semana, o para moitos resultará de grande utilidade, xa
que consiste en que, cando empreguemos o smartphone a xeito de navegador GPS a
pé, poderemos colocar o móbil en vertical para que mude a un modo de realidade
aumentada, para amosarnos as indicacións sobre as imaxes que capte a cámara do
teléfono, o que resulta especialmente práctico cando nos movemos en lugares que
descoñecemos e nos que resulta difÃcil orientarnos ou cando, por exemplo,
saÃmos dunha estación de metro e non temos referencias para saber como movernos
no mapa. Esta nova funcionalidade coñécese como Live View, e inicialmente
era exclusiva de smartphones Pixel, pero a
súa nova beta comezará a chegar a dispositivos Android e iOS que soporten
ARCore ou ARKit.