Os novos Xiaomi 15T destacan polo seu apartado fotográfico

Xiaomi vén de presentar os seus novos buques insignia: os Xiaomi 15T e 15T Pro. Esta nova xeración da serie T non só refina o deseño e potencia o rendemento, senón que redefine a fotografía móbil coa colaboración de Leica, consolidando a aposta da marca pola excelencia visual e tecnolóxica.
Ambos modelos incorporan un sistema de tres cámaras traseiras, pero é no Xiaomi 15T Pro onde se dá o salto máis ambicioso: un teleobxectivo Leica 5x Pro que permite achegamentos ópticos ata 10x e un zoom dixital de ata 20x, sen sacrificar nitidez nin fidelidade cromática. A lente principal, equipada cun sensor Light Fusion 900 e apertura f/1.62, destaca pola súa capacidade para capturar escenas con alto rango dinámico, mesmo en condicións de pouca luz. O modelo base, o Xiaomi 15T, mantén unha configuración sólida con apertura f/1.7 e focal de ata 92mm, ideal para quen busca versatilidade sen complicacións.
A experiencia fotográfica complétase co sistema Xiaomi AISP 2.0, que integra algoritmos avanzados para mellorar retratos, cores e profundidade, e co modo Leica de fotografía urbana, que permite capturas rápidas desde a pantalla de bloqueo con focais icónicas como 28mm ou 50mm. A gravación de vídeo tamén se eleva a estándares profesionais, con soporte para 4K HDR10+ en todas as focales e, no caso do Pro, ata 120fps e gravación en formato Log con LUT.
No apartado de conectividade, Xiaomi introduce Astral Communication, un conxunto de tecnoloxías que inclúe comunicación sen rede entre dispositivos a distancias de ata 1.9 km, unha innovación pensada para contornos extremos. A isto súmase o novo sistema operativo HyperOS 3, que debuta nesta serie con melloras en multitarefa, deseño e intelixencia artificial.
O deseño mantén a elegancia característica da marca, cun corpo de vidro reforzado e certificación IP68, mentres que a pantalla AMOLED de 6.83 polgadas alcanza os 3.200 nits de brillo e unha taxa de refresco de ata 144Hz no modelo Pro. A batería de 5.500mAh garante autonomía prolongada, con carga rápida de ata 90 watts e opcións de carga sen fíos no modelo superior.
A nova familia 15T de Xiaomi chega cunha campaña de promoción moi atractiva, como un 20 % de desconto para estudantes, o agasallo dunha tableta Redmi Pad 2 Pro (valorada en 299,99 euros) ou un cupón de desconto de 150 euros. O Xiaomi 15T Pro ten un prezo de referencia de 799,99 euros para o modelo con 12 GB de RAM e 256 GB de almacenamento, con incrementos de 100 euros podemos ampliar o almacenamento a 512 GB e 1 TB. Pola súa banda o Xiaomi 15T ten un prezo de referencia de 649,99 euros para a versión con 12 GB de RAM e 256 GB de almacenamento interno, mentres que a versión con 512 GB de capacidade véndese a 699,99 euros.